A full and critical edition of the text of Hugo Grotius' De Iure Praedae Commentarius (IPC) as preserved in the single extant manuscript, Leiden UL, BPL 917.

Jan Waszink <j.h.waszink@law.leidenuniv.nl>

Next Page Start Previous Page Additions/Deletions First Finished Version Finished Version

Nam et ipse qui via est et veritas Iudaeos non illud ▸

inquirere, quo iure Romani Palaestinam occupassent, sed quandoquidem ipsi in Romano imperio viverent, parere Caesaribus, qui tum eius imperii potiebantur, quod nummus Caesarea imagine signatus indicabat. Ordinibus autem non iccirco tantum parere subditi debent, quia nunc id regimen receptum est, verum etiam quia istud imperium iure communi nititur. Hollandi enim et qui cum illis foederati sunt ▸hodie nulli omnino Principi obsequium debent, cum ▸ a mutuo sacramento soleat initium sumere. Post mortem autem Philippi Secundi ▸nullus est Princeps in cuius verba iuraverint. Neque vero Philippus ▸tertius ius aliquod retinuit, qui se videri vult omni Belgarum imperio abdicasse, neque Albertus cum coniuge, plus quicquam habere potest quam volentibus Ordinibus accepit, cum minime obscurum sit, ne partem quidem ullam populi invitam posse in alterius ditionem transferri. Quomodocunque autem Princeps deficit, nihil est certius quam totum imperium deferri ad rempublicam, quae in Ordines suos distributa est, sive ut Covarruvias docet, ad optimates atque proceres qui reipublicae corpus referunt Parum enim refert, inquit Paulus Iurisconsultus, ORDO quippiam fecerit, an is cui ORDO id negotium dedit. Cum ergo ▸sint Ordinum subditi, de quibus loquimur, sufficit illis, ▸ bellum ab Ordinibus gestum non existimant iniustum esse, si modo in ea opinione non est error inexcusabilis. Omnes autem pios atque religiosos cives (horum enim causa instituta est oratio, caeteri digni non sunt, quorum ratio habeatur) ▸ esse iniustum certissimo argumento convincitur, quia salva conscientia nemo potest interesse bello quod iniustum credat, ▸ quod illi cum faciunt bene se de bello sentire testantur. Eius autem