A full and critical edition of the text of Hugo Grotius' De Iure Praedae Commentarius (IPC) as preserved in the single extant manuscript, Leiden UL, BPL 917.

Jan Waszink <j.h.waszink@law.leidenuniv.nl>

Next Page Start Previous Page Additions/Deletions First Finished Version Finished Version

potuit autem et ▸

concedente republica fieri Indicae societatis: ▸ quemadmodum concessam esse oportunius infra docebitur. Haec ergo cum ratione ipsorum qui belli sunt auctores, Ordinum scilicet, a nobis probata sint, multo erunt certiora ▸ quae Ordinum imperiis paret. Nam quae auctoribus vera esse necessario debent, eadem ▸ subditis satis est esse verisimilia. Sed tamen aptemus ea quae de subditis in doctrina de Iure praedae conclusa sunt tum ex primario, tum ex secundario gentium iure. Primum igitur constat subditos Ordinibus esse eos qui Indicam constituunt societatem. Omnes enim qui in istis sunt regionibus aut iureiurando obsequium Ordinibus promiserunt, aut ▸dum se partem faciunt eius reipublicae quam Ordines administrant tacite satis profitentur eus se reipublicae moribus ▸ et receptis ab ea magistratibus praestituros obedientiam: ex qua professione non minus, ut alibi ostendimus, quam ▸voce obligantur. Euripideum est:
σέβειν δὲ τοὺς κρατοῦντας ἀρχαῖος νόμος·
Antiqua lex est, colere rerum compotes.
Nec illud tragici alterius dissimile:
καὶ γὰρ τὸ λοιπὸν εἰσόμεσθα μὲν θεοῖς
εἴκειν, μαθησόμεσθα δ’ ἀτρείδας σέβειν.
ἄρχοντές ἐισιν, ὥςθ’ ὑπεικτεóν. τί μή;
Quod restat, et nos Dis minores, ut decet,
Geramus, et veneremur Atridas duos,
Queis, cum regentes sint, nefas non cedere est.
Iustissimum enim est, ut Alcibiades dixit, ὅπερ ἐδέξατό τις σχῆμα τῆς πολιτείας τοῦτο ξυνδιασώζειν, hoc est, quem quis acceperit reipublicae statum ad eum servandum conniti: quod Augustus viri civisque boni officium esse definivit: sapienter, nec minus vere.