A full and critical edition of the text of Hugo Grotius' De Iure Praedae Commentarius (IPC) as preserved in the single extant manuscript, Leiden UL, BPL 917.
Jan Waszink <j.h.waszink@law.leidenuniv.nl>
Next Page Start Previous Page Additions/Deletions First Finished Version Finished Versionimperium, quo exciderat, bello reposceret, atque etiam recte facti paenas expeteret, fuit ex Hollandorum parte iustissima belli causa, vitae ac rerum et legitimae libertatis defensio. Ius deinde aliud atque aliud in ipso bello subnatum est. Primum ob immensa damna quae Hispani immerito Hollandis intulerunt, agro
quondam
vastato, urbibus dirutis, direptis, acta praeda iam tot per annos. Secundum ob impensas belli, quas tantas fuisse et esse quotidie ut vix ullae ullius temporis conferri possint ▸merito
vere
diximus, idque tum ex belli diuturnitate, tum ex opulentia hostis, cui resistendum fuit, intelligi potest. Tertium ob delicta: quae cum dico non tantum caedes innocentium, et rapinas et omnem illam violentiam intelligi volo, quae propterea peccata sunt in bello, quia bellum iniustum est, verum alia etiam quae nec bellum iustum gerenti licuissent, cuiusmodi ▸innumerata
innumera crudelitatis, perfidiae, libidinis exempla, tantum abest ut nos numerare possimus, Annales nulli satis digne exprimant. Haec tria si in unum conferantur ius facient prope infinitum, certe nullis unquam temporibus, nullis victoriis recuperabile. Adversus ipsos Lusitanos propriae belli causae fuerunt, cum ipsi priores bello aggrederentur, ut in classe Hispanica, defensio damnorum et sumtuum recuperatio et iusta vindicta. Itemque recuperatio et vindicta omnium eorum, quae detentis toties navibus et nautis Hollandis in Lusitania contigerunt: nec minus eorum quae Hollandis totum per orbem, quacunque se Lusitanorum potentia ad iniurias, ut videtur, nata extendit, acciderunt hominibus spoliatis, trucidatis. In ipsa autem India peculiares
reipublicae Hollandorum causae aliae propter se, aliae propter cives. Ad prius genus referri possunt iniuriae per quas tota gens Hollandorum commerciis prohibita est, et apud externas ▸actiones
nationes
infamata. Utrunque iam antea in causis belli privati exsecuti sumus. Unum tamen hic notatu non indignum est, etiamsi ad Lusitanos pertinuisset ius ad Indos negotiandi, ita ut alias gentes arcere possent, tamen ex quo Batavis cum illorum Principe bellum iustum erat, sicut res hosti subditorum eripere licuit, ita et ius illis alioqui proprium usurpare licuisse.
Ad alterum genus
quod attinet satis planum est tutelam iusque civium et vindicationem reipublicae cordi esse debere, cum hac maxime de causa instituta sit civilis societas, ut quod non possent singuli possent universi. Si