A full and critical edition of the text of Hugo Grotius' De Iure Praedae Commentarius (IPC) as preserved in the single extant manuscript, Leiden UL, BPL 917.

Jan Waszink <j.h.waszink@law.leidenuniv.nl>

Next Page Start Previous Page Additions/Deletions First Finished Version Finished Version

Qua ratione etiam partem populi magistratus sibi legere posse vult Covarruvias, etiamsi illi magistratus alias nisi a Rege constitui non possint. Retinuit enim, ut ille inquit, Populus iuris naturalis potestatem, qua uti potest dum Rex ipse sua potestate non utitur: Alioqui populus ipse ipsaque Respublica maximum obiret discrimen, et periculum cui obviam ire non posset. Quod est egregie absurdum. Paria sunt in iure non esse, vel esse inutile. Paria sunt, inquit Castrensis, non habere superiorem, vel habere negligentem. Si ob ▸

negligentiam
absentiam vel neglectum Principis inferioribus magistratibus bellum suscipere permissum
est
, quanto magis si ipse Princeps ▸
q
iniuriam faciat reipublicae, quae nisi armis reprimi non possit? Theologi non illi tantum, qui Papam Concilio subiiciunt, sed alterius factionis qui supra Concilium Pontificiam ponunt auctoritatem, addunt tamen, si Pontifex Ecclesiam destruat, posse convocari concilium contra eius voluntatem, eiusque concilii auctoritate etiam vi, si opus esset, resisti Pontifici, et mandatorum exsecutionem impediri. Quid autem aliud est Concilium quam Ordines ecclesiastici? quid Ordines, quam Concilium civile? Atqui vel iccirco plus debet licere Ordinibus in Principem, quam Concilio in Papam, quia Papam qui dicunt immediate potestatem a Christo, non ab Ecclesia accepisse, Principem tamen fatentur nullam habere auctoritatem nisi a republica. Habuerunt igitur Hollandiae Ordines ius belli indicendi, quod ipsum multo etiam clarius ▸
fieri posset, si
docet ab initiis Reipublicae Hollandicae sacrosancta semper Ordinum auctoritas, longissimoque temporum usu firmata, et leges patriae Brabantis olim scriptae, mox cum caeteris Belgarum nationibus communicatae, quae diserte cavent ut integrum sit Ordinibus omnem fidem atque observantiam negare Principi iura patria violanti. De