A full and critical edition of the text of Hugo Grotius' De Iure Praedae Commentarius (IPC) as preserved in the single extant manuscript, Leiden UL, BPL 917.
Jan Waszink <j.h.waszink@law.leidenuniv.nl>
Next Page Start Previous Page Additions/Deletions First Finished Version Finished Versioncaeterum vindicare se ab his, qui priores fecissent iniuriam non modo extra culpam, sed ubique gentium laudabile. Quod ipsum si cum suo aut suorum alicuius dispendio fortuna belli voluisset contingere, non esse cur hoc iniquius ferret. Sibi pro omni restitutione solam Hollandorum amicitiam abunde suffecturam. Cum deinde Ioram ad negotiandum Hemskerckius venisset, vix a Rege supplicando impetravit, ut magistro detentae navis (Rasaduta vocabatur) satisfacere se permitteret. Ita pro auri Catiis quinque volenti persolvit mille ducentos Regales, etsi merces vix septingentos valebant. Quid hic prius mireris? Quod pretium pro hominibus persolutum est qui nullo iure, nulla fide capti erant. Quod Indi dimissi, cum ab Indis Batavi tenerentur? Quod Regi Iorae se ipse Hemskerckius indicavit? Quod oravit etiam? Quod plus quam debuerat solvit, cum posset omnino non solvere? Tam liberalis nemo praedator est. Quare cum etiam si talia deessent indicia in facto dubio facienda ▸