A full and critical edition of the text of Hugo Grotius' De Iure Praedae Commentarius (IPC) as preserved in the single extant manuscript, Leiden UL, BPL 917.

Jan Waszink <j.h.waszink@law.leidenuniv.nl>

Next Page Start Previous Page Additions/Deletions First Finished Version Finished Version

quas vita desiderat humana, locorum intervallo homines ▸

arcerentur, quia ut supra diximus non omnia ubique proveniunt, opus fuit traiectione: nec adhuc permutatio erat, sed alii vicissim rebus apud alios repertis suo arbitrio utebantur: quo fere modo Seres ▸dicitur rebus in solitudine relictis sola mutantium religione ▸ commercium. Sed cum statim res mobiles monstrante necessitate, ▸ in ius proprium transiissent, ▸inventa est permutatio qua quod alteri deest ex eo quod alteri superest suppleretur. Ita commercia victus gratia inventa ex Homero Plinius probat. Postquam vero res etiam immobiles in dominos distingui coeperunt, sublata undique communio non inter homines locorum spatiis discretos tantum verum etiam inter vicinos necessarium fecit commercium: quod ut facilius procederet nummus postea adinventus ▸ ▸ dictus autem ἀπὸ τοῦ νόμου quod institutum sit civile. ▸ modi autem aliquot singulares ipsumque pretium, ab instituto: quae vetustiores iuris interpretes non satis distinxerunt. Fatentur tamen ▸ proprietatem rerum saltem mobilium ▸a iure gentium primario ▸ itemque contractus omnes quibus pretium non accedit. Philosophi τῆς ▸ , quam translationem vertere licebit, genera statuunt duo, τὴν ▸ καὶ τὴν ▸: quarum ἐμπορική, quae est, inter gentes dissitas, ordine naturae prior est, et sic a Platone ponitur. ▸ eadem videtur esse quae παράστασις Aristoteli, tabernaria, seu stataria negotiatio inter cives. Idem Aristoteles ▸▸ dividit in ναυκληρίαν et φορτηγίαν, quarum haec terrestri itinere, illa maritimo merces devehit. Sordidior autem est καπηλική contra