A full and critical edition of the text of Hugo Grotius' De Iure Praedae Commentarius (IPC) as preserved in the single extant manuscript, Leiden UL, BPL 917.

Jan Waszink <j.h.waszink@law.leidenuniv.nl>

Next Page Start Previous Page Additions/Deletions First Finished Version Finished Version

omnes homines in perpetuum sibi licere voluerunt. Maris autem natura hoc differt a littore, quod mare nisi exigua sui parte nec inaedificari facile nec includi potest: et ut posset, hoc ipsum tamen ▸

contingeret sine usus promiscui impedimento. Si quid tamen ita occupari potest id occupanti conceditur. Hyperbole est : Contracta pisces aequora sentiunt Iactis in altum molibus. ▸Nam Celsus iactas in mare pilas eius esse dicit qui iecerit, sed id non concedendum, si deterior maris usus eo modo futurus sit. ▸ Labeo si quid tale in mari ▸struatur, Inderdictum vult competere Ne quid in mari quo portus, statio, iterve navigiis deterius sit, fiat. Quae autem navigationis eadem piscatus habenda est ratio, ut communis maneat omnibus. Neque tamen ▸ piscandi locum sibi palis circumsepiat atque ita privatum faciat: sicut Lucullus exciso apud Neapolim monte ad villam suam maria admisit. Et huius generis puto fuisse piscinas maritimas quarum Varro et Columella ▸ meminerunt. Nec Martialis alio spectavit, Si quando NEREUS sentit Aeoli regnumpro Ridet procellas tuta de SUO mensa. Hinc apparere potest quae mens Pauli fuerit, ▸ cum dicit, si maris proprium ius ad aliquem pertineat, uti possidetis Interdictum ei competere. Esse quidem hoc Interdictum ad privatas ▸ causas comparatum, non autem ad publicas (in quibus etiam ea comprehenduntur, quae iure gentium communi facere possumus) sed hic iam agi de iure fruendo, quod ex causa privata contingat, non publica: sive communi. Exempli causa si quis Lucullum aut Apollinarem in privato suo, quatenus diverticulum maris ▸