A full and critical edition of the text of Hugo Grotius' De Iure Praedae Commentarius (IPC) as preserved in the single extant manuscript, Leiden UL, BPL 917.

Jan Waszink <j.h.waszink@law.leidenuniv.nl>

Next Page Start Previous Page Additions/Deletions First Finished Version Finished Version

Dicit haec non esse natura propria, ▸

sicut Ulpianus natura omnibus patere, tum quia primum a natura prodita sunt, et in nullius adhuc dominium pervenerunt (ut loquitur Neratius) tum quia ▸ Publica autem vocat, tralatitia significatione, non quae ad populum aliquem, sed quae ad societatem humanam pertinent, quae publica Iurisgentium in legibus vocantur: hoc est communia omnium, propria nullius. Huius generis est aer, tum quia occupari non potest, tum quia usum promiscuum hominibus debet. Et eisdem de causis commune est omnium Maris Elementum, infinitum scilicet ita, ut possideri non queat, et omnium usibus accommodatum: sive ▸navigationem respicimus, sive etiam piscaturam. Cuius autem iuris est mare eiusdem sunt, ▸ mare aliis usibus eripiendo sua fecit, ut arenae maris, quorum pars terris continua littus dicitur.

Haec igitur sunt illa, quae Romani vocant communia omnium iure naturali, aut quod idem esse diximus, publica iurisgentium, sicut et usum eorum modo communem, modo publicum vocant. Quanquam vero etiam ▸

nullius esse, quod ad proprietatem attinet recte dicantur, multum tamen differunt ab his quae nullius sunt et communi usui attributa non sunt, ut ferae, pisces, aves: nam ista siquis occupet in ius proprium transire possunt, illa vero totius humanitatis consensu proprietati in perpetuum excepta sunt, ▸ propter usum qui cum sit omnium, non magis omnibus ab uno eripi potest, quam a te mihi quod meum est. Distinctio haec non modo iurisprudentibus usitata est, sed vulgi etiam confessionem exprimit: unde apud Athenaeum convivator mare commune esse dicit, at pisces capientium fieri. Et