A full and critical edition of the text of Hugo Grotius' De Iure Praedae Commentarius (IPC) as preserved in the single extant manuscript, Leiden UL, BPL 917.

Jan Waszink <j.h.waszink@law.leidenuniv.nl>

Next Page Start Previous Page Additions/Deletions First Finished Version Finished Version

terras Hollandorum nomen audiretur, sed vastaturos urbes insulasque omnes quas illorum pedes contigissent. Classis Regia, quae Cunalam Indorum Malabarum archipiratam quinquaginta annorum rapinis et insignium regionum usurpatione nobilem in gratiam Regis Calicutensis expugnaverat, confecto bello, ut huc vires verteret, ab Goa ▸

longe ad fretum Sundanum, quod Iavam et Taprobanen interest, mittebatur. Simul ab aliis Lusitanorum coloniis naves coibant. Et iam naves erant non multo infra triginta. Quinque Galeones e Goa. unam tenebat Andreas Furtado Mendoza classis summae praepositus: alteram Thomas ▸ de Roncha: tertiam Franciscus Silva Menezius: quartam Antonius ▸ quintam Lopez Dalmeyda. E Malacca Caracae duae. Praeerant, Traianus Rodericus Castelliblancius, Georgius Pinteus. E Cochini una, duce Sebastiano ▸ Caeterae naves fustae aut galeotae erant: quas curabat Andreas Rodericus Palota. Urbs Bantamum, ut prima ▸ quondam venientes excepit, ita prima in paenam poscebatur. Ut postea ex Francisco ▸, filio Iohannis Tuesii rationarii Ulyssiponensis, aliisque captivis cognitum est, consilium erat primum in forum impetum facere quod extra urbem est, Basar nomine, quo ▸ signum proceres eius factionis et quos e vulgo Lusitani pretio suos effecerant, subito concurrerent: inde irrupta Sinensium statione urbem ▸ adeo de successu nihil dubitabatur, ut Monachos inter et Iesuitas de sedium partitione acriter certatum sit. ▸ autem Bantamo mandata habebant Bandam, Ambonam et Ternatam