A full and critical edition of the text of Hugo Grotius' De Iure Praedae Commentarius (IPC) as preserved in the single extant manuscript, Leiden UL, BPL 917.

Jan Waszink <j.h.waszink@law.leidenuniv.nl>

Next Page Start Previous Page Additions/Deletions First Finished Version Finished Version

At non etiam sufficit illis mandasse odia: neque enim tam lentus est nationum Hispanicarum furor, ut viso inimico concepta spe nocendi, alienas semper manus exspectet: praecipue siquando perfidiam et sceleratas fraudes fiducia impuniti successus invitat. Sicut primo Hollandorum in Orientis insulas adventu Tomagonem Bantamensem, eundem per quem postea ad Ianhaniavam dispositae fuerunt insidiae, sollicitarunt, ut duces et navium magistros in villam suam (erat haec in littore) ad caenam invitaret: quo tempore consilium illis fuisse ipse Tomago postea nuntiavit, navigio in eam littoris partem appellere, captisque convivis et convivatore, ipsum statim dimittere, Hollandos autem Malaccam deportare. nisi eam ad rem Tomago Praefectum veritus ministerium suum denegasset. At postquam ipsum sicut diximus, Praefectum Lusitani corruperant, captique iam eorum rogatu inter caeteros erant magistri Houtmannus et Valkenerius, indignabundi quod Praefectus suo potius lucro quam illorum odiis consuleret, venenum utriusque illorum cibo miscuerunt. Quorum ubi capita intumescere, distendi ilia, adesse exitium Sabander Bantamensis vidit, lapide satis noto cui Berbar nomen. periculum praevenit, tanto illis sanctior qui Christianorum se vocabulo iactant. Cornelium vero Hemskerckium quem magistri ad Praefectum urbis allegaverant,

tanta ubique ira rimati persecutique sunt, ut in aedibus Lacmonis Sinensis supplex abdere se inter saccos oryza refertos cogeretur, et ibi quoque inquisitus vix habitu Sinensi tectus praeterea arundinibus ab hospite piscatum simulante vectus evaserit. ▸ Sic etiam cum e classe Neckii secundo eius ▸itinere naves duae ab Indis redeuntes ad Sanctae Helenae venissent insulam, quo tum quatuor ▸naves convenerant Lusitanorum, Batavi aquatum ultro vocati dispositos in insidiis Lusitanos, et multos satis et armatos, qui venientes scilicet interciperent, conspexere. Quod autem vehementius odii se non capi-