A full and critical edition of the text of Hugo Grotius' De Iure Praedae Commentarius (IPC) as preserved in the single extant manuscript, Leiden UL, BPL 917.

Jan Waszink <j.h.waszink@law.leidenuniv.nl>

Next Page Start Previous Page Additions/Deletions First Finished Version Finished Version

dem Lusitanorum navis sub Roderico quem dixi Motamorio, cuius machinarius Hamburgensis gente Matthaeus Novus nomine cum Praefecto vigilum, et Iohanne Henrici machinario, cumque gubernatore ac proreta ▸

saepius egit, ut adscitis in conscientiam facinoris quos idoneos comperissent, praefectos obtruncarent ac navem ipsam Malaccam deveherent: praemium pollicitus non minus viritim bis mille Ducatis. Sed obstitit perfido conatui Batavorum fides. At cum naves e praefectura Gronsbergii, qui missus a societate Hollandica posteriore pariter cum Neckio discesserat, in Sina Cochinensi ad Sinceonem sive ad amnem Polocambarem substitissent, incolae regionis et Rex ipse loci Monachi Lusitani instinctu cum navibus insidias posuissent, viginti aut paulo plures homines Batavos deprehensos confoderunt: duodecim alios venenato Araci potu in furorem morbumque egerunt, captos abduxerunt sex, nec sane ex infima nautarum plebe, quos tormentis duobus et mercibus redimi oportuit. Neque multo post cum Iacobus Hemskerckius, is cuius virtuti ultio haec et captura debetur, in illas partes venisset, Rex Dammae, amicus ut ab initio patuit et foederatus nationis Lusitanicae officia sua et commercium ultro obtulit: nascitur enim in regno eius magna vis oryzae: sed ea spe ut naves ex improviso invaderet. quae postquam fefellit, viginti homines ad mercatum missos detinuit captivos: quorum octo redemti sunt: caeteris ne hoc quidem contigit, sed ut viles animae in usum bellorum, quae tum Regi cum finitimis ▸ seponuntur, in quibus non genere magis quam eruditione nobilissimi, Dousae filius fuit.