A full and critical edition of the text of Hugo Grotius' De Iure Praedae Commentarius (IPC) as preserved in the single extant manuscript, Leiden UL, BPL 917.

Jan Waszink <j.h.waszink@law.leidenuniv.nl>

Next Page Start Previous Page Additions/Deletions First Finished Version Finished Version

causa non secuta reposcerent, alteri non dimitterent quovis nomine accepta, denuo aliter convenit, ut Praefectus auxilio Lusitanorum vi caperet naves, eaeque cum mercibus ipsi, homines Lusitanis cederent, aut si naves corrumperentur, sex millibus Regalium in antecessum solutis altera duo

Praefectus acciperet. Forte accidit, ut dum ista habentur de ipsorum capitibus comitia Hollandi inopia aquarum alio discederent, nec longe tamen Bantamo. Et ecce ab hospite nuntius classem adversus naves Hollandicas expediri, quarum et ipsi ante discessum apparatum aliquem conspexerant. Neque tantum bona quadam fortuna vitatum erat discrimen, sed novum certamen Lusitanis cum praefecto, quod is se existimaret ex pacti formula ad persequendos etiam Batavos non obligatum. Prope Iacatram Hollandi cum venissent Tomagonem Bantamensem necessarium suum Lusitani subornant, ut quasi alimenta venditurus nautas aliquos in vicinum satis Iacatrae locum, Ianhaniava dicitur, proliceret. Sed praemonuerant mercatores Sinenses Lusitanos in loco dispositos, qui nautas aut caperent aut trucidarent. Ipse Tomago haec confessus est, cum Batavi altero itinere redeuntes infensos Iavanos ▸Lusitanis, et sibi aequiores invenissent. sed turbas ▸ temporum excusabat. Atrocissimae insidiae Francisco Pesoa procurante apud Cidaeum hoc modo institutae fuerunt. Provectis hucusque navibus Rasalata Lusitanus origine, sed Christianae pietatis desertor et archipirata illis locis haud ignobilis, re instructa cum ▸▸ Sabandro (ita Praetorem vocant) parata permutationi aromata, patere Regis Cidaii amicitiam affert. Missi qui