A full and critical edition of the text of Hugo Grotius' De Iure Praedae Commentarius (IPC) as preserved in the single extant manuscript, Leiden UL, BPL 917.

Jan Waszink <j.h.waszink@law.leidenuniv.nl>

Next Page Start Previous Page Additions/Deletions First Finished Version Finished Version

praesertim cum eodem facto et praeda ex Batavis, et pretium a Lusitanis speraretur. Primum elicere merces, ad se trahere, permutationem in aliud tempus reiicere. Ubi Hollandi plura promere iussi cunctabantur, vocatos ad se navis praefectos ▸

▸Guilielmum Ludovicium et Aegidium ▸ decemque alios subito vinciri iubet. Et ne tum quidem dissimulabat Lusitanorum rogatu ista fieri, qui metuere se fingebant, ne navem suam in portu quaerentem exitum Batavi interciperent. hac specie illos velut obsides oraverant detineri. Sed et illud captivis innuebat dare operam apud se Lusitanos, ut numerata mercede quater millium nummorum Regalium ipsos in suam acciperent potestatem. simul atrocissimorum suppliciorum metus quotidie miseris ▸iniiciebatur. Eodem tempore accidit ut Iavani Lusitanorum impulsu scaphas cymbasque Batavorum provectas longius oppugnatum venirent: quos cum fortiter illi repulissent, Praefectus Bantamensis facto admonitus non esse contemnendam eiusmodi hominum bonitatem, concordiae rationes iniit: cuius conditiones etsi periniquae erant, et redimi eos iubebant duobus millibus Regalium, qui ne obtentu quidem iuris ullo capti erant, tamen accipiuntur. Sed quo res Batavae loco meliori esse coeperant, hoc magis Lusitani pretium proditionis intendere. Venit enim Malacca legatus: is dona multa ad praefectum et proceres adfert, atque inter caetera Regalium sex millia quibus Hollandorum necem mercaretur. Versi statim animi. suspensa ▸ permutatio. etiam Sinensibus mercatoribus qui Bantami versantur interdictum ne quid Hollandis venderent. Et haec non dubia erant inimicitiae signa, et simul ab hospite Bantamensi atque aliis amicis nuntiabantur vendita Lusitanis ducum ▸ capita. Quare navium primores postulante praefecto Bantamensi, ut ad se venirent velut coram leges commerciis accepturi, nequaquam venerunt. Hinc orta dissensione inter Lusitanos et Bantamenses, cum Lusitani ob causam data