A full and critical edition of the text of Hugo Grotius' De Iure Praedae Commentarius (IPC) as preserved in the single extant manuscript, Leiden UL, BPL 917.

Jan Waszink <j.h.waszink@law.leidenuniv.nl>

Next Page Start Previous Page Additions/Deletions First Finished Version Finished Version

peregrinatione scriptae literae ad regem Ternatae sermone Malaccensi et mandata nuntii per interpretem reddita easdem accusationes continebant: cum ille subito pavore attonitus et velut regni sui insidiatores respiciens, vix tandem precibus placaretur ne inimicorum saevitiae ▸

innocentiam condonaret. Sinensibus etiam, ut eorum animos a Batavis averterent, quid non et quoties conati sunt persuadere, nisi quod gens perspicacioris iudicii etiamnum experiri illud mavult quam Lusitanis credere? Non minus frustra Iacobi Hemskerckii adventu ▸ ut Batavorum amicitiam, quam illi avidissime ▸ suspectam ▸insimulationibus facerent: Iam vero ex his quae fortuna quadam caelari non potuerunt, quam multa esse colligimus quae in notitiam nondum pervenerint?

Nemini igitur mirum videri debet, si cum his calumniis a pretio pondus accederet, hostes Batavis et sicarii e turba aut decepta aut etiam venali submitti potuerunt. Quo facto non suam modo quietem Lusitani et Batavorum poenas lucrabantur, sed cuncta simul caecis turbabant suspicionibus, ut Batavi ex paucorum improbitate aestimatas gentes fugerent, ita ut nihil propius factum sit, quam ut istis difficultatibus Indica mercatio in perpetuum desponderetur. Primo enim appulsu Batavorum

Lusitani cum se palam amicos profiterentur, quod nocentium genus est pessimum, venirent saepe in naves, benigne acciperentur, vocarent vicissim, quas interea proditiones, quos dolos struxerint, operae pretium est referre. Rasadauma erat, is quem dixi, totius, ut quidem tunc Lusitani ▸, Iavae dominator: Caeterum regulis obsequium detrectantibus cum bello