A full and critical edition of the text of Hugo Grotius' De Iure Praedae Commentarius (IPC) as preserved in the single extant manuscript, Leiden UL, BPL 917.

Jan Waszink <j.h.waszink@law.leidenuniv.nl>

Next Page Start Previous Page Additions/Deletions First Finished Version Finished Version

Antverpiae, aut

aliis Belgii urbibus, quas adversarii tenent, sedes fixere: ita tamen ut inde in regiones Ordinum commercii gratia ▸ atque itidem ▸ vicissim qui hinc in adversas partes merces eveherent, singularem commeatus permissionem haberent impetrandam. Posteriore rescripto etiam illud expressum est ut Brasilia in Batavos merces transvehi possent. Ita illis Batavos adire volentibus undique provisum.

Merito sane et iure quodammodo suo Batavi quales se in illos praestiterant, tales illos in se speraverunt: maxime ex quo navigantibus in Lusitaniam prima experimenta eiusdem aequitatis fidem fecerant. Nemo existimabat plus Batavis obstiturum Philippum dominum Lusitanorum, quam Lusitanis idem obstiterat hostis Batavorum. Ita cum credita securitas magnam faceret navium frequentiam, hominesque benigne aliquoties excepti nullo novo interdicto arcerentur, ubi ad praedam copia visa est sufficere, contemta illa quae inter mediocris bonitatis homines ne hostilitate quidem tollitur beneficii memoria, et taciti foederis religione, naves omnes nihil tale sperantium comprehensae sunt, per omnes Hispaniae portus et Lusitaniam maxime, quas deinde Batavi summis pretiis redimere cogebantur. Gens numerosa nec alio sueta vivere quam mercium mutatione, post tam ingens dispendium, quod multas optime constitutas domos funditus evertit, quid faceret, nisi ut iacturam novis mercandi utilitatibus sarciret? Allecti rursus Batavi eadem patientia atque etiam praemiis, tum quia recentibus suis in Lusitanos benefactis confidebant, post aliquod