A full and critical edition of the text of Hugo Grotius' De Iure Praedae Commentarius (IPC) as preserved in the single extant manuscript, Leiden UL, BPL 917.

Jan Waszink <j.h.waszink@law.leidenuniv.nl>

Next Page Start Previous Page Additions/Deletions First Finished Version Finished Version

▸

SEQUUNTUR HISTORICA. CAPUT XI. Pars. I. Universalis II. de Rebus in India Gestis
[CAPUT XI].
cuius PARS I. universalis est: in qua narrantur:
ART. I. Causae belli Batavorum in Albanum, Hispanos, Philippum etc.
ART. II. Officia Batavorum eo in bello.
ART. III. Causae belli Batavorum in Lusitanos.
ART. IV. Officia Batavorum in Lusitanos.
ART. V. Iniuriae Lusitanorum in Batavos per Lusitaniam.
ART. VI. Iniuriae Lusitanorum in Batavos alibi passim.
ART. VII. Iniuriae Lusitanorum in Batavos eo colore quod attributas ▸
sibi
ipsis
regiones commerciis adirent.
ART. VIII. Idem color per Indiam. PARS II: de rebus est per Indiam gestis, in qua narrantur : ART. I. Calumnia Lusitanorum in Batavos ART. II. Submissi in Batavos hostes a Lusitanis ART. III. Pravi[tas] et perfidia Lusianorum in Batavos. ART. IV. Caeptum a Lusitanis bellum in Batavos ART. V. Bellum Lusitanorum in amicos Batavorum.

Proposito in universum iure facta assumenda sunt ut, an iuri eadem congruant, et omnia adsint quae requiruntur, facilis fiat inspectio. Neque tamen res omnes gestas explicandas censemus, quae praedam eam de qua disputatur aliquo modo praecedunt: quod infinitum esset et iustae historiae opus. Nam quis nescit totis iam annis triginta, et quod excedit, bellum esse Batavis cum gente Hispanorum? Cui rei exordium dedisse Ferdinandum Ducem Albanum, qui a Philippo Secundo Rege Hispaniarum Belgii Principe ▸

praefectus
missus rector
his partibus ▸
cum
pacatam eo tempore terram Belgicam cum Hispanorum exercitu intravit. Quibus ille viribus confidens, ▸
quod ante eius adventum in sacris turbatum erat
cum ante eius adventum in sacris turbatum esset
; in quo facto etiam qui peccatum volunt perpaucorum tamen culpam agnoscant, cum certissimum sit non magistratuum modo, verum et civium maxima parte invita id ipsum contigisse, hoc uno obtentu iura, iudicia, tributorum ordinem mutatum ivit, contra leges Principibus iuratas, quae rara inter principatum ac libertatem temperatione imperii modum et status Belgici fundamentum continebant. Ea necessitas privatos primum adegit, quorum corpora in paenam, bona in fiscum aut tributum adversus eas quas dixi leges patrias trahebantur, aliis omnibus praesidiis exclusos vim moliri qua vim repellerent. Idem civitates fecere: brevique accessit Hollandiae ▸
totius
, quae iusta iam a septem saeculis respublica est Ordinum auctoritas: quos quidem Ordines certum est ut iura populi defenderent Principibus atque Praefectis

>PARS II. ART. I. CALUMNIAE LUSITANORUM IN BATAVOS. ART. II. SUBMISSI IN BATAVOS HOSTES A LUSlTANIS. ART. III. FRAUDES ET PERFIDIA LUSITANORUM IN BATAVOS. ART. IV. COEPTUM A LUSITANIS BELLUM IN BATAVOS. ART. V. BELLUM LUSITANORUM IN AMICOS BATAVORUM.