In hac autem Universitate, quae magnae illius velut quoddam compendium est, opera illa utriusque Iustitiae multo clarius apparent. Nam assignatrix possessiones publicas pro dignitate cuiusque dominis asscribit: et officia, oneraque in cives pro viribus dispertit. Compensatrix vero non tantum inter singulos aequalitatem tuetur, sed et ▸ bene de patria meritos honore et praemiis remuneratur: et in commune nocentibus ad paenas utitur. Quomodo autem quae in singulos fiunt ad cunctos pertineant eadem docet, cum praeter triumphos etiam coronas civicas donat: nec intra Maiestatis reos publica iudicia coercet, sed homicidas quoque et falsarios, et id genus sontes ad supplicia deposcit. Et ista quidem cum eius societatis, quae a Natura instituta est, iure satis conveniunt. Peculiares autem civilis federis leges ex tribus regulis dimanantes ultra eas quas ▸ leges in hunc modum videntur procedere.